Гэр бүлийн тав тухтай амьдрал, бизнесийн таатай орчныг нэг дор цогцлоосон холимог ашиглалттай (Mixed-use) шинэ үеийн хотхон. Бид орчин үеийн архитектурын шилдэг шийдлийг чанартай материал, ухаалаг төлөвлөлттэй хослуулан хотын хамгийн эрчтэй хөгжиж буй бүсэд сүндэрлүүлж байна. Орон сууц, А зэрэглэлийн оффис, худалдаа үйлчилгээг нэг дор шийдсэнээр таны цаг хугацааг дээд зэргээр хэмнэнэ.

Нийт 2 га уудам талбайг хамран байрлах тус төсөлд оршин суугчдын хамгийн ихээр сонирхдог, орон зайн ашигтай талбай сайтай 2-3 өрөө орон сууцны оновчтой сонголтуудыг багтаасан. Барилгын доод давхруудад өдөр тутмын хэрэгцээг хангах үйлчилгээний төвүүд байрлах бөгөөд автомашингүй, ухаалаг төлөвлөлт бүхий нэгдсэн экосистемийг бүрдүүлсэн.

Таны гэр бүл, хүүхэд багачуудын амар амгалан, аюулгүй орчныг бүрэн хангахын тулд хотхоныг нэгдсэн харуул хамгаалалт, 24/7 ухаалаг хяналтын камераар тоноглосон. Мөн оршин суугчдын талбай руу автомашин нэвтрэхгүй байхаар төлөвлөсөн тул та хашаан дотроо ямар ч айдасгүйгээр алхаж, чөлөөт цагаа өнгөрүүлэх боломжтой.

Барилгын суурь хэсгийн дээвэр дээр төлөвлөгдсөн, автомашины хөдөлгөөнөөс бүрэн тусгаарлагдсан аюулгүй тоглоомын талбай нь хүүхэд багачуудад эрүүл, чөлөөтэй тоглох орчныг бүрдүүлнэ. Насны ангилалд тохирсон тоглоомууд, спорт талбай болон хүүхэд хөгжлийн дугуйлан, өдөр өнжүүлэх зэрэг үйлчилгээг хотхон дотроо багтаахаар зорьсон.

Хотхоны нийт талбайн дийлэнх хэсэгт ногоон байгууламж, амралтын террас, зүлэгжүүлсэн талбайг төлөвлөсөн. Цэвэр агаар амьсгалан тухлан суух сүүрэвч, гүйлтийн болон дугуйн зам, байгалийн элементүүдийг уусгасан ландшафтын өвөрмөц шийдэл нь хотын шуугианаас хол, байгальтай ойр амьдрах мэдрэмжийг өгнө.

Хот орчмын хамгийн үнэ цэнэтэй, цэвэр агаартай бүс болох Яармагт байрлалтай. Шинэ замын зангилаа цэгүүд, сургууль, цэцэрлэг, худалдааны төвүүдтэй ойр тул та хотын аль ч цэг рүү түгжрэлгүй, хурдан хугацаанд зорчих давуу талыг эдлэх болно. Насан туршийн үнэ цэнэ өсөх ирээдүйтэй байршил.